نظام كاشير ومحاسبة بلا تعقيد
شنو هو رَصيد؟
رَصيد نظام عراقي لنقاط البيع والمحاسبة، يجمع شاشة الكاشير وإدارة المخزن والحسابات والرواتب والمتجر الإلكتروني ببرنامج واحد يشتغل من المتصفح على أي جهاز، بالدينار العراقي.
شاشة كاشير سريعة، شاشة مطبخ تتحدث لحظياً، مخزون ينخصم وحده، وتقارير تكَلك ربحك الحقيقي، كله من أي جهاز، بدون تنصيب.
المقاهي، المطاعم، الماركتات، المحلات
نظام واحد. المحل كله. كله مربوط.
- محاسبة — الإيراد، الكلفة، المصاريف، والربح الصافي، كل بيعة تنحسب وحدها لحظياً.
- إدارة مخزن — كل بيعة تنخصم من المخزون تلقائياً، وتنبيهات قبل ما يخلص أي صنف.
- شاشة كاشير — بيع سريع باللمس مع قارئ باركود وطباعة فواتير حرارية.
- شاشة مطبخ — الطلب يوصل للمطبخ بنفس لحظة الدفع، تفعّلها أو تطفيها وقت ما تريد.
- حسابات موظفين — ضيف موظفينك بصلاحيات محددة، يشتغلون بدون ما يشوفون أرباحك.
- تقارير PDF — صدّر تقرير اليوم أو الشهر أو السنة بضغطة وحدة.
الأسعار
- باقة المحاسبة: 35,000 د.ع شهرياً، أو 350,000 د.ع سنوياً.
- باقة الكاشير: 55,000 د.ع شهرياً، أو 550,000 د.ع سنوياً.
التفعيل فوري بعد الدفع، فيزا أو ماستركارد
أسئلة متكررة
- شلون أبدي؟ أحتاج أنصّب شي؟
- لا. النظام يشتغل من المتصفح على أي جهاز: لابتوب، تابلت، أو موبايل. سجّل دخول، سمّي محلك، وابدأ. ماكو تنصيب ولا سيرفر.
- شنو يصير إذا انقطع الإنترنت؟
- الكاشير يضل يبيع. الطلبات تنحفظ بالجهاز وتنرسل وحدها أول ما يرجع الاتصال، ويطلعلك شريط يكَلك كم طلب ينتظر الإرسال. بس انتبه: شاشة المطبخ ما تشوف الطلبات وقت الانقطاع لأنها جهاز ثاني، اطبع تذكرة المطبخ من الكاشير بهاي الحالة.
- الموظفين شنو يشوفون؟
- بس اللي تنطيه إياه. تكدر تفتحله الكاشير والمخزن وتسكّر عليه المحاسبة والصكوك والرواتب. والموظف يشوف راتبه هو بس، ما يشوف رواتب زملائه.
- أكدر أغيّر باقتي بعدين؟
- إي. من الإعدادات ترسل طلب ترقية وإحنا نفعّلها بنفس اليوم. بياناتك كلها تضل مثل ما هي.
- شلون أدفع؟ وشنو يصير إذا ما دفعت؟
- الدفع ببطاقة فيزا أو ماستركارد عبر بوابة دفع آمنة، والتفعيل فوري. إذا انتهى الاشتراك، بياناتك ما تنحذف، بس تنقفل الشاشات لحد ما تجدد.
- أكدر ألغي الاشتراك؟
- إي، بضغطة من الإعدادات. الإلغاء يوقف أي خصم جاي، وتضل تستخدم النظام لنهاية المدة اللي دفعتها.
- الباركود والطابعة يشتغلون؟
- إي. أي قارئ باركود USB يشتغل مباشرة بدون إعداد. والطابعة الحرارية (٥٨ أو ٨٠ ملم) تشتغل من إعدادات الطباعة، تختار العرض مرة وحدة وخلص.
أسّسه مصطفى أحمد
الشروط · الخصوصية · سياسة الاسترجاع · الكوكيز